房屋结构（福州话正字稿）
可能敆野価侬其印象台中，“故乡”就是蜀芘有野価老树共旧厝其地方，对我来讲也是总款。许蜀落悗变悗旧其旧厝，就像蜀只老侬，敆我其记忆台中有野重要其地位。每蜀回转遘桥仔头，我一定会去“旧厝”玩(uang53)蜀玩，感受蜀下淡淡其杉树香味，故着告依嬷共外公共我讲旧底其事计。
福州人将“老屋 lo55-ouk24”号礼“旧厝”。讲起旧厝，每蜀代侬都有自家其感想，故事就是趁许蜀芘号 “厅中”其地方开始其。厅中一般都是聚会共请侬客其地方，伊其位处就是着旧厝台中中。外公共叔公做后生前后就将厅中两边其厢房拆待复重做去了，也就是“厅中房”。敆尾了，伊几只兄弟哥都敆这所成家立业。依舅讲，伊许蜀衬侬做细就是敆旧厝裏势生活。因为前厅无办酒前后都是空keoyng55其，前厅共后厅就变成仂囝哥做“覭覭屈屈（捉迷藏）”其好地方。也有刁皮其仂囝哥故会覭遘“厅中下”，总款就超出蜀开始商量好其活动范围，就是算犯规去了。
“厅中下”其实故有蜀芘更熟悉其名字号𠲥“天井”。当年外公自家动手敆天井台中起蜀芘嫩嫩其花坛，故敆花坛裏势栽芙蓉花、太阳花、鸡髻花这几种复好养复好看/俊其花，乞原来朴素其旧厝增加几分鲜色。无做塍前后，大家侬第一deik24爱eoy53坐天井边斗，食茶冇讲。“我故会记礼，囫囵厝侬齐坐厅中下食龙眼、龃蔗（我还记得一家人坐在天井那里吃龙眼、啃甘蔗）。”着依嬷其回忆裏势，嘻前后就连敆厅中类乇，做卫生总款大家侬都儥爱做其事际，仂囝哥都见觉真有味，“伲囝哥使箠批共铁丝做钩龙眼核的家私，比底侬拾的価，尽去有味u53 mei242。（孩子们用竹片和铁丝制作成用来捡龙眼核的工具，大家比谁捡得多，真的很有意思。）”
天井边斗其厢房复／故／也分野価种。“僻榭”的房间比较浅，一般作“灶前（厨房）”使。敆福州话裏势，“僻榭”有其前后复号礼“水院”，根据伊相对厅中其位置一般分为“前水院（前读seing53）”共“后水院（后读au242）”。春夏季节雨水価其前后，外婆故会敆僻榭前斗排几只桶囝，承sing53瓦槽悬顶流下其雨水，廮𠲥拭桌椅或者洗石壁。故有蜀种比“厅中房”故会凸出（凸tu33）仂囝其厢房，号“耳坠房”，伊其空间比僻榭更大。有其侬厝𠲥故有“轿夫厅”，听讲是厝礼做喜事前后乞对手做事际其侬休息使其。
旧厝虽然讲起野𣆯去了，但是伊底势野価墘角其地方都有能耐体现出旧底侬其智慧。以前有转遘旧厝，我都会将kiak24相机镜头对准厝边墙悬顶其檐角共无尽现其石雕其野兽。敆尾了正zia213会仈，这蜀扇外墙复号礼“火墙包”，是传统民居底势有防火功能其蜀种结构，儥起火的黏土砖起到野理想的防火效果。除起火墙包，我对“天心瓦”印象也野深。开头儥仈伊是世乇意思，我㑚见觉者名字野好听，现在才会仈“天心瓦”是蜀种采光使其玻璃瓦，日中㑚无点电光，这满大其楼层就是靠天心瓦悬顶透下来其光线照光去。
讲起这几种结构，我想起旧厝裏势故有野価起厝使剩其建材。因为农村大多数都是自家起厝，材料使儥完也儥舍挌待去，着廮礼以后做新其或者修补前后使。伲囝哥其“客佻乇（玩具）”也是获嚽剩底其材料做其。蜀楞嫩嫩其“瓦片囝”／“垘爿囝”， 也乞仂囝哥磨muai53囇做贱骨头拍礼客佻，也可以摔嫩楞去做“踢框”客佻。这几种材料除起可以做客佻乇，有其前后也乞外公掏去做摆件。伊起/结 giek24花坛前后，使其就是仓库裏势长duong242下其红砖共青砖，敆砖台中圆圆喏leu33蜀空，土介贮/筑deoyk24仂囝裏去，就是透气复好复儥积水其花盆了。现在㑚想起去，旧底其旧厝生活也真闲落真舒畅吓！
译文：现甲时，各侬慢慢喏都趁旧厝𠲥搬出来了，旧厝天井裏势其花坛慢慢喏也乞蜂箱pung55-nuong55代替去。㑚长做年做节前后，大家才会转来筅堂洗荡，旧厝做蜀下野闹热起去。廊檐下正挂其灯笼共褪色其照壁着𠲥对头相 deoy53-lau21-suong21，草芽共新其箬箬由火墙包其缝缝发buok24出来，花花（hua55-hua55偶尔的意思）也有蝴蝶囝着许所飞来飞去，伊带礼侬家怀旧或者向新其心绪，蜀年复蜀年，飞遘不息其春风裏势。